Tini Vorster Skoollied
Waar ruimtes roep en grassland vry
oor Hoëveldse vlakte sprei;
staan Tini Vorster Laerskool-
van hoë strewe ‘n simbool:
Getrouheid, reinheid, hoop, geloof –
dit rig ons hart, dit lei ons hoof!
Ons min die skone, want dit is
‘n kosbaar, lieflik erfenis.
Soos die Karee wat wind en weer
met taai volharding kan trotseer,
staan ons ook vas, gewortel in
‘n Vaderland wat ons bemin.
Ons sal steeds saamstaan: kragtig, trou,
eendragtig aan ons toekoms bou.
Ons sal nie vrees nie, want ons glo
dat God ons rig en lei van bo.
Refrein:
Swaai hoog die vaandel, want ons dra
die toekoms van Suid-Afrika
in hande klein, wat werk en bou
in harte rein, vol liefd en trou.
En as jy om ‘n offer vra, dan sê ons: “Ja, Suid-Afrika!”