SPORTDRAG
Die volgende is voorgeskrewe sportdrag vir die verskillende sportsoort en slegs hierdie drag is toelaatbaar. Geen ander drag mag tydens byeenkomste en/of wedstryde gedra word nie. Gedurende die winter of koue dae kan die skoolsweetpak, skooltrui of informele warmbaadjie gedra word.
Atletiek
Seuns en Dogters: Atletiekdrag en skoolsweetpak. Indien die leerlinge nie ‘n skoolsweetpak het nie, mag ‘n skooltrui gedra word.
Landloop
Skoolatletiekklere of ‘n blou Vossiehemp met ‘n blou Vossiebroek.
Tennis
Seuns: Blou Vossiehemp met wit rugbybroek en blou skoolkouse.
Dogters: Sportrokkie met wit kouse en tekkies wat deur die ouers aangekoop word.
Jukskei
Blou denim langbroek met Vossiehemp. As dit koud is – skooltrui oor Vossiehemp.
Netbal en Mini-Netbal
Sportrokkie met wit kouse en tekkies wat deur die ouers aangekoop word.
Hokkie
Vossiebroekie en Vossiehempie. Ouers koop die regte skoene “shins” en toerusting aan. Lang kouse volgens spankleure wat ouers by die skool aankoop.
Krieket en Mini-Krieket
Wit rugbybroek of lang wit broek (opsioneel) met blou Vossiehemp of wit gholfhemp met kraag (géén advertensie tensy ‘n borg se embleem daarop is). Die eerstespan het ‘n keuse met die skool se kleure, blou grys en wit, Skoolkouse met tekkies (sportskoene) en skooltrui. ‘n Wit oortrektrui (pullover) is ook aanvaarbaar.
Rugby
Die skool voorsien die truie en broeke. ‘n Vlootblou rugbybroek word gedra. ‘n Skoolsweetpak of skooltrui word aanbeveel vir koue dae.
SPORT TOEKENNINGS
Meriete kleure
Ligawenners en Naaswenners van Valke Finaal
Deelname D5-span
Prestasie kleure
Valke Finaal wenners
Deelname Provinsiale span (Gauteng)
Derde benoeming van meriete kleure
Erekleure
| Gekies en deelname in Nasionale span | Silwer sakwapen |
| Tweede benoeming | Silwer koord |
| Derde benoeming | Goue wapen |
| Vierde benoeming | Goue koord |
| Vyfde benoeming | Goue ster |
Erekleure word slegs eenmalig aan ‘n presteerder in Akademie, Sport & Kultuur toegeken. Wanneer ‘n presteerder in Sport of Kultuur Suid-Afrika verteenwoordig, word ‘n tweede erekleure toegeken.
Rostrum toekenning.
Alle hoofseuns- en dogters verwerf erekleure vir leierskap.
BUITE SKOOLVERBAND
Alle buite skoolverbandprestasies word deur die skool erken en belonings geskied soos met binne skoolverband. Indien ‘n leerder buite skoolverband presteer aan ‘n kode wat nie deur die skool aangebied word nie, word ‘n sertifikaat van erkenning aan die leerder oorhandig, aangesien die leerder alreeds deur die klub, vereniging of instansie beloon is.